K-12 curriculum , maraming estudyante ang may ayaw dito, at isa na ako dati sa mga estudyante na ayaw ang k-12 , noong una hindi ko naisip ang maaring itulong at magawa para sa akin nito, pero kinain ko din ang aking mga sinabing negatibo patungkol dito, ngayon ay nagpapasalamat ako na nakasama kami sa k-12 curriculum , dahil may mga bagay na mas maaga kong natutuhan, ngayong ako nasa baitang siyam mayroong mga aralin na dapat ay sa 4th year pa namin matatalakay pero ngayon ay napag aralan na namin. Dahil sa k-12 curriculum maraming talento ang natuklasan at nahubog, dahil sa tulong ng mga aktibidad na nakalagay sa aming modyul, hindi ko inaasahan na nagawa namin talaga ang mga nakalipas na gawaing naiatas sa amin. Malaking tulong ito para sa lahat ng estudyante, lalong lao na sa mga estudyante na walang sapat na pinansyal para sa kolehiyo. Pagkatapos namin sa baitang 12 maari na kaming magtrabaho , kung naisin na naming magtrabaho. Mas nangingibabaw talaga ang mga magagandang bagay na maaaring matulong ng k-12 para sa mga estudyanteng katulad na ko.
Ang aking mga karanasan ngayong school year na ito ay maihahalintulad ko sa isang photo album. Bawat araw , linggo at buwan ay nag bigay ng napakarami litrato at ang bawat isa ay may kwento sa likod nito. Maraming karansan ang itatago ko sa aking puso, hindi mababago at mabubura ng panahon ang mga ito, maganda man ito o hindi. Hindi na maiaalais na ang mga kaklase at kaibigan ko ay naging parte na ng buhay ko sa maikling panahon. Ang bawat tao na nakapaligid sa akin ay ang siyang nagbigay ng kahulugan sa mga litrato na naipon ko sa aking puso at isipan. Ngayong taon na ito ay napakaraming bagay ang nangyari sa akin na talaga namang hindi ko makakalimutan, dito ko naranasan na umiyak dahil sa hirap at dami ng mga gawain sa paaralan, mahilo at sumakit ang ulo dahil sa kakulangan sa tulog, magsuot ng mga damit na kakaiba sa harap ng mga estudyante at pagtinginan ka ng mga ito, gamitin ang mga bagay na makikita para ipang design sa portpolio, activities at iba pa. Ngayong taon na ito, dito ko napatunayan na kahit gaano kahirap ang pinagdadaaan ng bawat isa sa amin, malaki ang naitulong nito para mas mapapatatag ang pagkakaibigan naming lahat. "WALANG TITIBAG" itong mga salita na ito ay ang motto ng aming pangkat, walang sino man ang kayang pumunit sa letratong binuo naming lahat. Alam namin na sa pag tapak namin sa baitang 10 maaring marami ang mabawas sa amin pero itong mga karanasan at alaala namin para sa bawat isa at hinding hindi mababawasan o mawawala. Itong puso ko ang nagsilbing album na kailan man ay hindi masisira at maluluma ang mga letrato sa bawat pahina nito. Maraming salamat sa taong nagbigay ng napakaraming karanasan, nagbigay ng mga bagong kaalaman at nagpakilala sa mga taong hindi ko malilimutan kailan man. :)
